>>> للمصلحة العامة:: أفضل تدوال على الانترنت <<<

[XeZooM]

السلام عليكم ورحمة الله وبركاته

أخواني أعضاء ومشرفين منتدى تدوال السعودية ..

وضعت هذا الموضوع للمصلحة العامة .. كل واحد يضع يرد بأفضل

نظام تدوال على الانترنت (( طبعا بسابق تجربة )) ..

وهذه قائمة انظمة التدوال للبنوك المحلية ..

تداول الراجحي

سامبا تداول

فرنسي تدوال

تداول البريطاني

تدوال العربي

تداول الأهلي . .

الكل يرشح أفضل تداول. . .

أكرر

للمصلحة العاااامة ..

تقبلو تحياتي

أخوكم

XeZooM

[البابطين]

افضل تداول البنك الفرنسي

[الدلخ]

اتوقع الاهلي عشانه جديد

[XeZooM]

أخوي الباطين شاكر مرورك وتقديرك ..

أخوي الدلخ ..

الأهلي يشترط مبلغ 250000 ريال في الحساب علشان بفتح لك حساب تداول على الانترنت ..

والخدمة ممتازة جدا .. :)

[العاني]

والله احترنا في البنوك ولاكن اياكم والراجحي

[عبدالعزيز]

اتوقع البنك الفرنسي احسنهم

[حسين]

سامبا ومن بعده البريطاني وبس

[الهامور]

وانا اقول سامبا

[zzalaziz]

سامبا بحكم تجربتي معاه

[raiyd]

سامبا زفت ذا اليومين

[XeZooM]

سامبا يعجبني ..

بس مثل ما قال الخ رياض .. زفت ذا اليومين ..

وعلى فكرة. .

بنك الرياض راح يتفح التدوال على الانترنت قريبا .. :)

[khalid8858]

انا استخدم البريطاني ولم ارى اي مشكلة

[shass]

انا ما جربت الا سامبا وكنا حلوين الى اليومين الاخيرة مدري ويش اللي حصل بصراحة جابت لي الضغط ولا ادري ويش السبب

[XeZooM]

أخوي . .khalid8858

اعتقد البريطاني .. ما عنده نظام تدوال كامل الى الآن ...

ولا أعرف.. خبرها . الآن ..

لكن سأرد عليك قريبا ..

أخوي shass

سامبا غير شكل ..وماعليه كلام ... بس الزحمممممممممممممة.. ..

انشالله يشوفون حل ..

أخوك

XeZooM<

[سلطان الرياض]

انا لي رأأأأأأي ؟!!!!!!!

سامبا كويس ما عليه بس في ذروه السووق يحوووس الدنيا يعني انسى انك تدخل امر او تعدل او تنفذ وتوقعي انه السبب هو محافظهم اقصد يفرغون السيرفر لتنفيذ عملياتهم لصناديق استثماراتهم وانا اقولهم مهوب علينا يا سامبا هاللعبه ؟؟!! كافشكم كافشكم لعنبو ابليسكم الى هالدرجه مستغفلين خلق الله ؟ راح وولى زمن الاستغفال يا سامبا !!!!!

[الياور]

الفرنسي ممتاز جداً
بس يحدث الاسعار بعد 45ثانية
انا مجرب
وسعر 60ريال لشهر

[rrrsh]

ممكن الطريقه يعني الشتراك التدوال في الراجحي
يطلب مني رقم موئسسة النقد
ممكن الموساعده

[سلطان الرياض]

ممكن الطريقه يعني الشتراك التدوال في الراجحي
يطلب مني رقم موئسسة النقد
ممكن الموساعده


يا ليت توضح السؤال اكثر علشان نقدر نفيدك والاعضاء ابد ما يقصرون
والسلام ,,,

[شغل عدل]

والله انا منذ بداية تدوا ل البريطاني وأنا مشترك وزي الحلاوة معي حتى أول يوم تدوال فيه البلاد كان ماشي معي انا كنت اسمع الكثير يمدحون سامبا ولكن الان الكثير يشتكون منه ولكن وحسب ما اسمع اقل شكاوي هو الفرنسي لم اسمع احد يذمه مع اني غير مشترك فيه شغل عدل

[الهباش]

الاهلي جدا ممتاز

[rrrsh]

كيف التسجيل التدوال عن طريق النتر نيت مع الراجحي
رقم مرجع مؤسسة النقدالسعودي

[hamd3]

كيف التسجيل التدوال عن طريق النتر نيت مع الراجحي
رقم مرجع مؤسسة النقدالسعودي

السلام عليكم ورحمة الله وبركاته
المقصود هو رقم المحفظة

بس انصحك انحش عن الراجحي

[rrrsh]

مشكوووورعزيزي

[تداول_صغير]

طيب الروابط ياجماعه الله يوفقكم

وتلميح مبسط عن هذه الخدمة إن امكن

جزاكم الله خير

[XeZooM]

السلام هلا أخواني . .

بالنسبة لك أخوي الهباش ..

الاهلي لازم يكون برصيدك فووق الـ 250000 ريال . .. والخدمة على عيني وعلى رااسي ممتازة .. لأنه مافيها زحمة ..

ويعاملووك زين .. ..

أخوي تداول صغير ..

راح احط شرح في موضوع بحاله .. عن الخدمة . .

وعن كيفية التداول فيها ..

شاكر لكم مرووركم . .

[asd00100]

في الحقيقه أنا أرى أن أفضل تداول هو الراجحي

تبون تقولون ليه ؟؟؟

اقولكم ماحصل معي

في أحدى المساهمات كنت متخوف من صعود السهم الغير طبيعي

وكنت ولله الحمد كسبان

قلت ياولد أنحش قبل مايتغير السوق

وبديت أسوي أمر بيع

ولكن

الراجحي الله يعافيه

تأخر في التنفيد ............ كالعاده

وبعد شوي لقيت أني أببيع بأقل من السوق ب ريالين ....... طمعت

وقلت أغير الأمر وأزيد عليه هالريالين

وفعلاً رجعت وغيرت الأمر وعلى مايفتح الصفحه الي بعد تحديد السعر للموافقه النهائيه

وجدت أن السهم أرتفع كمان ريال ونص

قلت والله ما أضيع الرزق الي جاني ..................... (( واحد مايعرف شيء أسمه نسبه ))

المهم رجعت وقلت ياولد وش رايك تزيد شوي عن سعر السوق يوم جيت أبي أزيد

لقيت أن الباقي على النسبه ريال وربع تقريباَ

حطيت زياده على سعر السوق ريال بس

وقلت الربع خله للراجحي تقديراً مني وعرفاناً بمعروفه الذي لاينسى

ودعيت له بألف خير

وأنا الحين أدعيله كل يوم وأقول يالله أن تداولهم مايزين

وأسف على الأطاله ووالله أن هذا ماحصل معي

[XeZooM]

ايه اخوي ..

بس لو كنت حاب تشتري بسعر .. منخفض قبل لا يرتفع ....

واتأخر في التنفيذ .. .من اللي راح يضرب على الراس ..

أخوي شاااااكر لك ردك أخوي أسد ....

مو كل مرة .. تحصل هاذي الحاجة .. ,,

بس انا قلت كل واحد يكتب اللي يرشحه وانت رشحت الراجحي. .

بالتوفيق أخوي. . .

[قناص]

سامبا ومن بعده البريطاني وبس
ماشي تمام

[XeZooM]

مشكور أخ قناص ..

انا اقول سامبا ما يتأخر في التنفييذ ..

والبريطاني لم اجربه .. :)

[النمر4]

والله احترنا في البنوك ولاكن اياكم والراجحي

[XeZooM]

مشكووور أخوي النمر 4 على المشاركة . ..

واعتقد ان الراحجي مذبح الكل ..

يعني محد ينصح فيه .. !!

وسلامتكم ...

[ali55]

انا لم امر بتجربة الى مع الراجحي والله يعنا عليه ونسال الله الفرج والرزق الحلال

[عمرخير]

سامبا والراجحى وجهين لعملة واحده من حيث كثافة الاشتراكات وجودة الخدمة
باقى البنوك ماعندي علم عنها

قوس1..... متى الله يفكنا وتجي البورصة باجهزتها العملاقة وتداولها الفوري
مع التحية لمحافظ هيئة سوق المال.. ... قوس2

[XeZooM]

أخوي ali55 شاكر لك رأيك ... والى الامام ..

.................................

أخوي عمر خير ..

فيه مواقع اجنبية تتيح لك فرصة التداول في البروصة العالمية ..

وراح اتطرق الى بعض هاذي المواقع . .. وشرح مبسط لها ..

والله ولي التوفيق. ...

[تركي]

انا ان شاء الله في قريبا في تداول الفرنسي
مدحه لي اكثر من واحد مجرب تعاملهم

[SeSo_2003]

انا عن نفسي استخدام البريطاني والحمد الله ما شفت منه شي

والحمد الله مرتااااااح منه ولا افكر اغيره

[خبير الأسهم]

الفرنسي ثم سامبا ثم الراجحي

[الهراوي]

اعتقد من وجهة نظري ان (ســــــــــــــــامبـــــــــــــا) و (الفرنسي)

[العوشــزي]

السلام عليكم ورحمة الله وبركاته

اتوقع الجزيره ثم البريطاني ثم الفرنسي

[المستثمر السعودي]

بصراحة انا ارشح البريطاني لأنني سأشترك معهم

بعد ان كنت في الراجحي


انصحكم لا تقربون الراجحي لأنه الان مغلق الاشتراك

ولا تفكرون في الراجحي


لأنه سيعقدكم

[متداول سعودي]

بسراحة انا جربت الراجحي وجربت الاهلي
فوجدت الاهلي افضل تنظيم واليكم هذ الرابط
فهو سهل حتى على المتداول الجديد يوضح لك كل صغيرة وكبيرة
ادخل على هذا الموقع((FF0000)) وسوف تجد عنوان في اعلى الصفحة مكتوب علية نموذج توضيحي ادخل علية وبعدها قم بالدخول (http://www.alahlitadawul.com/ETINDAr/login/login.asp)

[Anas600]

اطلق شي في السوق بالترتيب من وجهة نظري
1-الأهلي <اكيد عشان ماعليه زحمه بس اصبروله بعدين بيصير اخس شي لأن السيرفر حقهم مايتحمل>
2-سامبا والفرنسي مابينهم مقارنه كلهم حلوين
3-البريطاني
4-الراجحي ماحد مدحه

[الشقاوي]

ارشح الاهلي
وسيتم تطوير نظام تداول لديهم
وههههههههههههههههههذا خبر موكد

[تركي99]

يا ناس
الجزيرة الجزيرة
وبس

[اسهم عمر]

صدقت يالعاااااااااااني
اياكم والراجحي
( الراجحي أسوأ بنك في تداول الأسهم سواءً عن طريق الفرع أو النت وهذا من واقع تجربة)

اكييييييييد سامبا الأفضل

[noonoo]

بصراحه الراجحى مرررررررررررررررررره سىء سوا ع النت او فى صاله الاسهم للسيدات مره سيئه اسوى امر بيع القى الموظفه داخله تشرب كافيه00وحنا واسهمنا بالطقاق00

[السلمي]

أخوي أنا في البنك الفرنسي ممتاز

اما الراجحي يشتكون ناس كثير من خدمته

وبقيت البنوك لادري عنها

الا البنك العربي ماعتقد وصلت عندهم خدمة الانتر نت

حسب ما سمعة من بعض عملاء البنك قبل فترة

[XeZooM]

أشكر كل من قدم تعليقه على الموضوع ..

وانا اشوووووف سامبا هاليومين طالع فيها. .

ورااااااائع جدا ..

حتى اني حبيت المضاربه .. اشتري وابيع بدقايق .. من حلاوته .

وانشالله يكون كذا على طووووووول

وبالتوفيق ..

للكل ..

[i_t_mohamed]

طيب حد يعرف ليش غيرو تاريخ صلاحية امر البيع او الشراء في سامبا
يعنى ف الاول كان ممكن تضع امر صالح لمدة اسبوع او صالح لمدة شهر
الحين الامر صالح فقط ليوم واحد
حد عنده فكره عن السبب ؟ وهل سيظل الوضع بهذه الطريقه الي الابد
يعنى علشان تحط امر لازم تدخل كل يوم

[مستانس]

انا استخدم الراجحي من فتره ولم اواجه مشاكل خصوصا في الفتره الاخيره قد تحسن ادائه بشكل ملحوض

[XeZooM]

أخي i_t_mohamed

لأنهم ناس فاهمة ..

علشان ما تتكدس العروووض عندهم وبالتالي يكون فيه نزووول ..

لكن هذا سبب وممكن فيه سبب آخر .. علشان ما يصير فيه ظغط بالسيرفر . .


____


أخوي مستانس ..

أكيد راح يتحسن الراجحي بعد الكلام اللي وصل للإدارة وبعد ألوف الرسائل اللي وصلتهم .. بالشكاوي ..

ولكن انا أقوول هل يستمر هذا الوضع ؟